Apoio á Palavra Encarnada, a nosa Poesía Salvaxe Ferrol 2023

(Autor do cartaz, FER PATIÑO)

-A falta de colaboración do Concello obriga á despedida da Semana de Poesía Salvaxe-A Palabra Encarnada logo de 15 anos izando Ferrol de palabras e música.

(Só un cambio radical con respecto á cultura a pé de obra, a pé de día, e en especial con relación á POESÍA SALVAXE, ao evento poético, por parte do Poder Local, sexa este de a cor que sexa, fará desta cita un acontecemento anual, sen mais quebrantos, un acontecemento consolidado, que de feito xa é)

Non fai falla proclamar que a Poesía está mais viva que nunca, é o antídoto mais eficaz contra o establecido.
Ela fai posibel habitar este Mundo que nos expropian cada día.
¡Medre a poesía!

-Aínda así o evento poético pide apoio para celebrar a derradeira cita os días 27, 28 e 29 de avril

Non puido ser. Cando se cumpren quince luminosos anos da celebración en prazas, rúas e locais de Ferrol da Semana de Poesía Salvaxe (A Palabra Encarnada) toca baixar telón. Esta cita naceu en 2008 conducida por Guillermo Ferrández e Juan C. Valle“Karloti”  baixo o impulso da Concellería de Cultura que entón dirixía Yolanda Díaz. Pero o actual equipo de goberno do Concello de Ferrol, co alcalde Ángel Mato e o concelleiro de Cultura á cabeza, amosando un cru desprezo nin contestou ás peticións e solicitudes que se lles fixo desde a organización do ciclo poético para colaborar (ou non) nesta cita que ocupaba o espazo literário do que a cidade carece. (Incluso hai unha proposta de creación dun PREMIO DE POESÍA “RICARDO CARVALHO CALERO” co mesmo nulo resultado. 

Un novo éxito cultural do actual equipo de goberno.

Non entanto, a organización fará con paixón e determinación un último esforzo de despedida para converter o mes de abril na cita coa Palabra Encarnada e amosar outra faciana dunha cidade caleidoscópica. Así, aínda que non podemos recibir aos poetas que se ofreceron a participar sen cobrar, os días 27, 28 e 29 de abril será realidade o encontro poético grazas  á colaboración de momento da AVV de Canido, Cento civico de Canido, a Fundaçom Artabria e o Ateneo Ferrolán, A.C. FUCO BUXÁN

COLECTIVO LITERARIO MORAIMA, 

Asociación Sociocultural Muíño do Vento ,   

RADIO FENE

IVOGRAFICAS

EDICIONS EMBORA

Agencia de Diseño y Desarrollo

CAMPUS DE FERROL- ESTEIRO UDC

Temos un apoio sempre da hosteleria como o do Café Dover, Restaurante A Vaca, Cerveceria Papillón, Cuerda Floja, O Cabazo, O Xustiño...

Facemos unha afervoada petición de apoio económico e anímico, recollendo sinaturas e abandonándonos, nesta derradeira cita, á xenerosidade popular. Os cartos destinaranse a pagar hotel, viaxe e os gastos que xurdan. Faremos realidade este XV encontro ca poesía como arma de construción masiva.

Iremos completando o programa e informando dos e das poetas que nos visitarán este ano.

Aquí achegamos o IBAN da A.C. LENDO POESÍA:

ES98 2080 0200 4130 4012 6251

Podedes facer unha transferencia, ou usar Bizum 

Teléfono 687638272 (A Palabra Encarnada)

Lembrade que as sinaturas en apoio e as doazóns son o mesmo de importantes .                                   

Moitisimas grazas e

¡LA NAVE VA!  Viva o avril da palabra encarnada!

Ferrol, Avril do ano 2023

aqueles días, os da PRIMEIRA SEMANA DE POESÍA SALVAXE, tremor e temor, emoción e unha fe cega en facer realidade un proxecto nado das entrañas, nos bares e nas esquinas, e que tería a seu hábitat, nas rúas, prazas e bares da cidade, e todo co propósito de sacar e orear nos tendais do aire a PALAVRA ENCARNADA.

E así foi

Choveu coma se as nubes no canto das ovelhas

fosen nubes. tardes ventosas

que nos levantaban en albas

e rasantes desdobrábamos as esquina

se os e as poetas invitadas

ían chegando

bardos antigos 

corazóns vermellos
e tan novos como a nostalxia do futuro

mirando os guindastres en extinción

aves de aceiro

escarabellando e picoteando

nas escombreiras da historia

raparigas manchadas polas rimas

da luz coa rabia

E aconteceu e tivemos a certeza de que os Mercados e as Prazas

eran hortas fértiles para as voces do silencio.

semana de poesía salvaxe    Contactar con el autor de la petición