Proposta para cambiar na cidade de Vigo o nome da rúa Paseo de Alfonso XII polo de ACERA VOADA.

A denominación de ACERA VOADA era utilizada habitualmente polos habitantes da cidade que foron testemuña da construcción deste mirador situado na zona de confluencia entre o Barrio do Cura e o Olivo. Posteriormente, durante anos, moitos dos seus descendentes seguiron utilizando a acepción de ACERA VOADA, herdada dos seus porxenitores, para refeirse a ese espacio privilexiado da cidade olívica, pero pouco a pouco foise perdendo esta denominación popular ata quedar totalmente esquecida a día de hoxe.

O nome de ACERA VOADA comporta unha acepción máis orgánica que a monárquica actual (Paseo de Alfonso XII) para denominar o mellor mirador que conserva Vigo a pé de rúa. Polo que, se ben o nome popular se perdeu na actualidade, non estaría de máis recuperalo, como memoria viva da nosa cidade e como recoñecemeto e homenaxe a aqueles cidadans que xa non están con nos pero que viviron en primeira persoa a construcción do mirador.

Coa finalidade de recuperar o nome de ACERA VOADA para esta espazo aberto ao mar da cidade de Vigo, asino esta proposta.

Xaime Fandiño    Contactar con el autor de la petición